image description

ASKJA - Tölfræði og skýrslur

Askja er úrvinnslutól sem vinnur með gögn úr Sögu. Bæði er boðið upp á skýrslur og aðgang í Excel með notkun svokallaðra gagnateninga eða kubba sem hægt er að snúa á ýmsa vegu. Gögnin hafa þá verið sett upp með innbyrðis tengslum þannig að hægt er að nálgast þau út frá ýmsum sjónarhornum. Þau er þá hægt að draga saman í svokallaðar veltitöflur (e. Pivot Tables) og sem hægt er að snúa á alla kanta í raðir eða dálka eftir þörfum.

Sem dæmi um notkun á Öskju má hugsa sér eftirfarandi dæmi. Rannsakandi þarf að vita fjölda þeirra karlkyns sjúklinga á aldrinum 20-30 ára sem komu á heilsugæslustöð vegna magaverks frá 1. júní 2014 – 1. september 2014, var sinnt af Jóni Jónssyni lækni, voru sendir í næmispróf og fengu Íbúfen. Mæling gagnakubbsins í dæminu er fjöldi sjúklinga og víddirnar sem ákvarða fjöldann eru kyn, aldur sjúklings, tilefni, komudagsetning, læknir, greining og lyf.

Askja er byggð á viðskiptagreindarlausnum Microsoft.

Verið velkomin á póstlistann okkar