TM Software samanstendur af hópi fólks með sérfræðiþekkingu á breiðu sviði og  mikið er lagt upp úr að okkar starfsfólk sé með þekkingu á nýjustu tækni og aðferðafræði.

Við fylgjum Agile hugmyndafræði við þróun, framleiðslu, verkefnastjórn og hugsun.  Þar á meðal eru Lean Development, SCRUM, Test Driven Development,  Extreme Programming. 

Megin markmið okkar er að byggja hugbúnað hratt samkvæmt síbreytilegum kröfum.  Okkar hugmyndafræði byggir á sveigjanlegri framleiðslustjórn í takt við Toyota Manufactoring sem síðar hefur orðið að SCRUM.

Við notum SCRUM stjórnunarfræði til þess að stýra hugbúnaðarverkefnum SCRUM byggir á nútíma framleiðslufræði þar sem markmiðið er að framleiða hágæða hugbúnað sem er skilað til viðskiptavinar á 30 daga fresti eða á styttri tíma.

SCRUM skipulag og náin samvinna við viðskiptavini gerir okkur kleift að begðast við og framleiða lausnir hratt til viðskiptavina.  Hröð vinnubrögð eru og verða sífellt mikilvægari í rekstri okkar því viðskiptaumhverfi viðskiptavina okkar breytist hratt og mikilvægt er að geta brugðist hratt við verkefnum.

 

TDD -  Test Driven Development

  • Áhersla lögð á gæða forvarnir frekar en massívar lokaprófanir
  • Sjálfvirkar prófanir (GUI / UNIT)
  • Sjálfvirknivæðing

Lean Development

  • Áhersla á virði
  • Straumlínulögun á ferlum
  • Sveigjanleiki
  • Áreiðanleiki
  • Hraði
  • Hæft starfsfólk

SCRUM

  • Stuttar ítranir
  • Útkoman er ávallt prófanleg virkni/vara
  • Sjálfstjórnarteymi

 

Nokkrar staðreyndir um SCRUM

  • Getur náð yfir eitt verkefni til alls fyrirtækisins.
  • Bætir samskipti og samvinnu milli allra aðila.
  • Agile aðferðafræði er notuð til þess að stjórna/stýra þróunarvinnu.
  • Hjálpar til við aðgreina milli nauðsynlegra þarfa og óþarfa væntinga.
  • Getur unnið með öðrum Best Practice aðferðafræðum svo sem Extreme Programming.
  • Keyrt áfram þannig að teymi skilar af sér afurðum í stuttum ítrunum, sem mynda smátt og smátt heilstætt kerfi, sem leiðir til þess að jafnframt er auðvelt að bregðast við breyttum kröfum á verktíma.
  • SCRUM er sniðið til að hjálpa vinnuteymi að greina og fjarlægja hindranir sem verða á vegi og koma í veg fyrir að hægt sé að skila fullunninni afurð til viðskiptavinar.

Prófunaraðferðir

TM Software leggur mikla áhersu á að allir hlutir séu prófaðir áður en að afhendingu kemur og byggir prófanir inn í framleiðsluferli hugbúnaðar. Prófanir eru framkvæmdar eins snemma í ferlinu og hægt er og keyra út allan framleiðslutímann.  Öll próf sem hægt er að sjálfvirknivæða eru sjálfvirknivædd.

Við leggjum áherslu á eftirfarandi prófanir:
  • Einingaprófanir gerðar í framleiðslu.
  • Kóðarýni eða "Peer Programming".
  • Sjálfvirkar viðmótsprófanir þar sem þeim verður við komið.
  • Álagspróf til þess að kanna hegðun lausnar undir dæmigerðu eða auknu álagi.
  • Samþykktarprófanir framkvæmdar af reyndum prófurum jafnóðum og einingar eru útskrifaðar.
  • Viðtökuprófanir af hálfu verkkaupa.