Mule er skalanlegt og leyfir þér að byrja smátt og bæta við þjónustum og kerfum eftir þörfum. Mule hefur yfirumsjón með samskiptum milli allra kerfa og þjónusta á gagnsæjan hátt og skiptir einu hvort um er að ræða þjónustur yfir Internetið eða milli sýndarvéla, auk þess er Mule algerlega óháð undirliggjandi samskiptastöðlum.

Enterprise Service Bus (ESB)

Mule byggir á hugmyndum um Enterprise Service Bus (ESB) arkitektúr. Helsti kosturinn við ESB er sá að það veitir ólíkum kerfum og þjónustum getu til að hafa samskipti sín á milli með því að virka sem þýðingar og skeytasendir á gögnum milli kerfa, á eða yfir net.

Það eru núþegar nokkrar ESB - lausnir til á markaðinum en margar af þeim eru takmarkaðar að ýmsu leyti. Þær eru annað hvort byggðar ofan á önnur kerfi eða sem skeytamiðlari sem festir þig inní ákveðnu umhverfi. Mule er hins vegar algerlega óháð tækniumhverfi og það leyfir þér að útfæra og samþátta ólík tækniumhverfi. Þú ert aldrei fastur á einum stað með Mule.

Mule hefur ýmsa kosti fram yfir annan samþættingarhugbúnað:

• Mule hlutar geta verið af hvaða týpu sem er. Hægt er að samþætta hvað sem er, allt frá gömlum Java hlutum (POJO) í flókna kerfisbúta og legacy kerfi á öðrum netum. 
• ESB hluti Mule leyfir gríðarlega mikla endurnotkun. Ólíkt öðrum samþættingartólum veitir Mule þér möguleika á að endurnýta hluti án þess að eiga við þá eða breyta þeim. Hlutar þurfa ekki sértækan Mule-kóða til að keyra í Mule og ekki þarf að fara í gegnum einhvern ákveðin API Viðskiptagreindinni er haldið algerlega aðskildri frá samskiptahluta Mule.
• Skilaboð geta verið á hvaða formi sem er, allt frá SOAP yfir í stafrænar myndaskrár. Mule þvingar ekki eina ákveðna hönnun á lausnina svo sem XML eða WDSL þjónustur.
• Hægt er að setja upp Mule á marga mismunandi vegu, ekki bara sem ESB. Þar sem það er léttvigtatól og auðvelt í uppsetningu getur Mule stytt hönnunar- og þróunartíma umtalsvert og þar með aukið framlegð og hagræðingu fyrir fyrirtæki. Með Mule er hægt að byggja öruggt, skalanlegt og öflugt umhverfi fyrir samþættingu.

Mule Source býður einnig upp á tól til að hafa umsjón með gangsetningu verkefna (Mule HQ) og til stýringar á uppbyggingu kerfa (Mule Galaxy).